Топ Вести

Заморениот Металург во финишот ја загуби битката со Горење

18.10.2017 21:45
GIL_9763_resize

Во рамките на 6. коло на СЕХА-лигата, Металург во самиот финиш ја загуби битката со Горење од Велење. Во комплетно рамноправен натпревар, Металург незаслужено високо е поразен со резултат 24:29 (14:16).

Ова беше средба на две рамноправни екипи, иако во првото полувреме тимот на Горење беше тој што го контролираше водството. Највисоката предност на гостинскиот тим во првиот дел изнесуваше четири гола, 4:8 во 15. минута, но на крајот од 30-те минути таа предност беше преполовена.

Второто полувреме почна со фантастична серија на Металург од 4:0, за водство на нашиот тим со резултат 18:16. Иако Горење врати со своја серија од 3:0, Металург наскоро повторно го презеде водството и го контролираше во следните 15. минути, кога се играше гол за гол.

Во моменти кога се доби впечаток дека Металург конечно ја најде вистинската игра за да го добие овој натпревар, следеше период кога кај нашиот тим се почувствува замореност, проследена со пад на концентрацијата, а тоа го искористи тимот на Горење, кој во последните пет минути направи серија од 4:0 и го доби овој натпревар со превисоки пет гола разлика.

.

Металург – Горење Велење  24:29 (14:16)

Металург: Арсиќ (8 одбрани), Томовски, Петров, Јагањац 6, Димитриоски 4, Токиќ 1, Танкоски 1, Серафимов 1, Илиќ 2, Анџелиќ 4, Велковски 2, Пешевски 3, Палевски, Гуглета, Димитриевски и Арсеновски.    Седмерци: 5/7.    Исклучувања: 4 минути.

Горење Велење: Ферлин (9 одбрани) 2, Цехте 4, Медвед 2, Хасељиќ 1, Тајник, Овничек 4, Вујовиќ, Дробез, Поточник 5, Голчар 4, Маркотиќ, Вердинек 3, Клец 1, Запоншек, Тајник и Пејовиќ 3.   Седмерци: 4/5.    Исклучувања: 8 минути.

Прочитано 1 пати

(0) Коментари

Напишете коментар


+ 8 = 13