Четврта победа на младинците на Металург 2

Во четвртото коло на младинската лига на Македонија, група 1, младинците на Металург во Автокоманда ја совладаа екипата на Еурофарм Работник, со резултат 35:32 (16:14).

Во првото полувреме се водеше израмнета борба, со повремени водства на двете екипи. Прв посериозен исчекор направи Металург 2, кој при крајот на првото полувреме поведе со три голови разлика, 15:12 и 16:13. Првиот дел заврши со резултат 16:14.

Се се промени во второто полувреме во кое нашите младинци заиграа многу подобро и полека создадоа висока предност, највисока при резултат 29:21 и 30:22. Откако ја обезбедија победата, дојде до очигледно опуштање кај нашите ракометари, што противникот го искористи и на крајот дојде до пораз од само три гола, 35:32.

Куриозитет на средбата е настапот на нашиот голман Виктор Василевски, кој поголемиот дел од второто полувреме го одигра како среден бек. Василевски постигна три гола, два од седум метри и еден од игра, а заработи и едно исклучување.

Ова е четврта победа на нашите младинци, кои засега имаат максимален број на освоени бодови. Во следното коло младинците на Металург 2 ќе и гостуваат на екипата на Преспа.

.

РК Металург 2 – РК Еурофарм Работник  35:32 (16:14)

РК Металург 2: Божиновски, Ацевски, Василевски 3, Кофиловски 2, Михајлов 9, Фидановски 3, Митиќ 7, Мирчевски 4, Попов, Ристовски 2, Георгиевски, Додиќ 2 и Ефтимов 3.    Седмерци: 3/6.    Исклучувања: 10 минути.

РК Еурофарм Работник: Костадиновски, Мандиќ 5, Најденов 2, Наумовски 1, Гуцевски, Мицевски 5, Ѓорески, Кенковски, Николовски, Петковски, Митревски, Југовски 13, Бардаковски, Неданковски, Ризовски и Блажевски 6.     Седмерци: 1/2.    Исклучувања: 10 минути.

Судии: Ѓоргиевски Иво и Наумовски Игор од Скопје.

Делегат: Бајрам Денис од Скопје.

Младинците на Металург 2 го претрпеа првиот пораз

Пионерите на Металург испуштија победа на гостувањето кај Алушовски...

Младинците на Металург се поразени на гостувањето кај КЛ-7 Лазаров...