(Фото) Металург ги почна подготовките за вториот дел од сезоната

11.01.2021 18:56
DAR_1467_resize

Со денешниот попладневен тренинг, Металург ги почна подготовките за вториот дел од сезоната. Денеска тренерот Димитриоски немаше на располагање дури шестмина ракометари. Тарабокија, Канкараш и Додиќ добија дополнителни неколку дена одмор, по завршувањето на нивните репрезентативни обврски, додека Хорват ќе отсуствува до крајот на јануари, бидејќи со својата репрезентација е дел од СП во Египет. Денеска ги немаше и Лазаревски и Серафимов, кои се подготвуваат со македонската репрезентација.

Во наредниот период Металург ќе ја бруси својата форма и ќе се подготвува за претстојните предизвици во Лига Европа, во плејофот на првенството на Македонија и во Купот на Македонија.

Првата официјална обврска на Металург за втората полусезона е на 9 февруари, кога дома ќе ја пречекаме екипата на Феникс Тулуз. Покрај оваа, во февруари не очекуваат уште две средби од групната фаза на Лига Европа, со екипите на Висла Плоцк и на Фиверс.

Фото:

Прочитано 337 пати

(0) Коментари

Напишете коментар


6 + = 10