Металург најде решение за враќањето на екипата од Полска

По завршувањето на ракометните обврски во Плоцк, Металург денеска требаше да се врати во Скопје. Но, ПЦР тестовите станаа проблем поради кои Металург останува во Варшава.

Имено, од компанијата со која требаше да лета Металург беше децидно наведено дека антигенски тестови се дозволени, но на аеродромот на Варшава службените лица побараа ПЦР тестови.

Сепак, решението е најдено, па Металург ќе преспие во хотелот “Мериот”, кој е во склоп на аеродромот во Варшава, а утре се враќа со летот преку Истанбул. Во Скопје екипата ќе пристигне в утре, околу 19.30 часот.

За жал, тоа ќе значи еден ден помалку во подготовките за следниот натпревар во групната фаза на Лигата на Европа, кој на програмата е веќе в сабота кога во Скопје ќе гостува екипата на Чеховски Медведи.

Иван Марковски уште три години ќе го предводи Металург

Златко Хорват уште две години ќе го носи дресот на Металург

Промена на термините за Ф4-турнирите во Купот на Македонија