Металург поразен на пријателскиот натпревар против Вардар

23.01.2021 16:34
DAR_1896_resize

По скоро еден месец пауза, Металург одигра ракометен натпревар. Одигравме пријателска средба со градскиот ривал Вардар, во арената “Јане Сандански“.

Средбата беше од затворен тип и не се водеше записник. Резултатот беше во втор план, а намерата на двајцата тренери беше да ги испробат свои замислени тактички варијанти во рамките на подготовките за продолжението на сезоната. Средбата му припадна на тимот на Вардар, кој славеше со резултат 34:26 (14:12). Вардар водеше во текот на целата средба, но со 2 до 3 гола. Високата предност македонскиот шампион ја обезбеди во последните десетина минути.

В понеделник Металург ќе замине во Пеќ, каде ќе одигра двомеч со екипата на Беса. Серијата на пријателски натпревари ќе заврши на 29 јануари кога во Автокоманда ќе гостува екипата на Тиквеш.

Металург првата официјална средба ќе ја има на 6 февруари, кога ќе и гостуваме на екипата на Чеховски Медведи во рамките на Лига Европа. Во ова натпреварување во текот на февруари вкупно ќе одиграме 6 средби, половина од нив на гостински терен.

Прочитано 307 пати

(0) Коментари

Напишете коментар


9 + 2 =