Металург преку четири пријателски средби ќе ја бруси формата за продолжението на сезоната

Металург продолжува со подготовките за вториот дел од сезоната. На екипата и се приклучи и нашиот пикер Милан Лазаревски, додека Канкараш, Тарабокија и Додиќ ќе ни се приклучат на 20 јануари. Надвор од подготовките ќе останат Златко Хорват и Мартин Серафимов, кои со Хрватска и со Македонија се дел од СП во Египет.

Во склопот на подготовките Металург закажа и четири пријателски средби, преку кои ќе се бруси формата потребна за продолжетокот на сезоната и предизвиците што не очекуваат на трите фронта: првенството и Купот на Македонија и Лигата на Европа.

23 јануари: Металург – Вардар

25 јануари: Металург – Беса

26 јануари: Металург – Беса

29 јануари: Металург – Тиквеш

Првата официјална обврска на Металург за втората полусезона е на 9 февруари, кога дома ќе ја пречекаме екипата на Феникс Тулуз. Покрај оваа, во февруари не очекуваат уште две средби од групната фаза на Лига Европа, со екипите на Висла Плоцк и на Фиверс.

Комплетни резултати од 1. коло во плејоф-фазата на македонската Суперлига...

Металург го разреши Оливер Димитриоски

Пролет направи сензација и го совлада Металург