Топ Вести

Силен отпор на Металург против шампионскиот тим на Вардар

30.05.2018 23:03
_DSC0115_resize

Во Автокоманда вечерва се одигра средбата од последното коло на плејоф-групата во која Металург го пречека старо-новиот шампион на Македонија Вардар. Оваа средба апсолутно ништо не решаваше за пласманот на двете екипи и мина во допадлива игра на два растоварени тима.

За разлика од натпреварот одигран во салата “Јане Сандански, Металург вечерва одигра многу поквалитетно и силно му се спротивстави на неспорниот фаворит.

Долго време, односно се до резултат 8:8, Металург беше подобрата екипа, но потоа Вардар постепено ја превзеде иницијативата, го сврте резултатот во своја полза и предноста ја задржа до крајот на овој интересен натпревар. Најблиску до резултатот на Вардар бевме во 42. минута, кога дојдовме до негатива од само два гола, 23:25, но Вардар брзо се врати во својот ритам и повторно стекна убедлива предност. Вардар победи, но Металург повторно покажа дека е единствен тим кој во овој момент може да му пружи отпор на овој состав на Вардар.

Кога сме кај составите, денешната средба е последна за тренерот на Вардар Раул Гонзалез, како и за шестмина ракометари на македонскиот шампион, кои заминуваат во други екипи, но, денешната средба е последна и за нашиот Жарко Пешевски, кој својата кариера ќе ја продолжи во екипата на украинскиот шампион Мотор Запорожје. На сите им посакуваме многу среќа во новите средини.

.

РК Металург  – РК Вардар  29:33 (15:19)

РК Металург: Томовски, Даниловски, Маџовски, Јагањац 4, Димитриоски 1,Токиќ 4, Шилегов, Танкоски 1, Серафимов, Кузмановски 5, Илиќ 6, Велковски 2, Пешевски 5, Матијашиќ, Лазаревски 1 и Арсеновски.    Седмерци: 1/3.   Исклучувања: 6 минути.

РК Вардар: Милиќ, Ѓорѓески, Стоилов 3, Недановски 3, Поповски 3, Кристопанс 5, Македа 3, Карачиќ 2, Канељас 1, Циндриќ 3, Дибиров 3, Шишкарев 3, Борозан, Војводиќ и Марсениќ 4.   Седмерци: 2/4.   Исклучувања: 10 минути.   Црвен картон: Вуко Борозан (3х2 минути) во 57. минута.

Судии: Дејан и Димитар Георгиевски од Скопје.

Делегати: Душко Камишевски од Скопје.

Прочитано 104 пати

(0) Коментари

Напишете коментар


9 + = 16