Вардар Јуниор ги остави бодовите во Автокоманда

Во првиот натпревар од 7. коло на македонската ракометна Суперлига Металург 2 и нанесе пораз на екипата на Вардар Јуниор, која ја совлада со резултат 25:22 (12:10). Металург 2 на тој начин ја извојува својата трета првенствена победа и му го нанесе на противникот петтиот пораз во новата сезона.

Видовме одличен натпревар и голема борба меѓу надежите на Металург и на Вардар, а во таа борба нашите ракометари беа подобри и заслужено го добија овој натпревар.

Резултатската неизвесност траеше десетина минути, се до резултат 5:5, а потоа Металург 2 го презеде водството и го задржа до самиот крај. Првпат имавме предност од два гола во 14. минута, 7:5, а потоа поведовме и со три гола предност, во 29. минута, 14:11. Но, на одмор заминавме со вишок од два гола, 14:12.

Вториот дел го одигравме подобро од првиот, а разликата многу брзо се искачи до максималните +6, 23:17. Иако Вардар Јуниор се обиде да направи пресврт, за такво нешто нашиот противник немаше сили, па на крајот мораше да го признае поразот и да му честита на победникот.

Металург 2 – Вардар Јуниор  25:22 (14:12)

Металург  2: Пешевски, Петковски, Реџиќ, Крстевски 6, Шулевски, Здравковски, Димитриоски 8, Гошевски, Стојменов, Шилегов 1, Арсеновски 3, Танкоски 3, Палковски, Матијашиќ 4, Лазаревски и Лембанов.     Седмерци: 4/6.    Исклучувања: 8 минути.     Црвен картон: Шилегов Мице.

Вардар Јуниор:  Ивановски, Кизиќ, Ѓорѓески, Димов, Димовски, Георгиевски 1, Димитровски 1, Анастасовски 2, Поповски 3, Трпчевски, Ристов, Стојковски 1, Манасков 4, Кукуловски 2, Вујачиќ 7 и Ончев 1.    Седмерци: 2/7.    Исклучувања: 8 минути.

Судии: Исмаил Металари и Ненад Николовски од Скопје.

Делегат: Душко Камишевски

Минимален пораз на Металург 2 во Струга

Второто полувреме повторно кобно за Металург 2

Металург 2 испушти огромни +8 и на крајот минимално загуби од Вардар Јуниор...